“Qo‘qon-1912” jamoasining Toshkentdagi mashg‘ulotlari davom etmoqda. Jamoa rahbariyati futbolchilar bilan shartnomalarni rasmiylashtirishni boshlab yuborishdi.

O‘tgan mavsumni “shunqorlar” safida o‘tkazib, o‘z hisobiga 4ta gol yozdirib qo‘yishga erishgan hujumchi Mo‘minjon Meliyev 2022 yilgi futbol mavsumini ham Qo‘qonda o‘tkazadigan bo‘ldi. “Qo‘qon-1912” bilan kelishuvga erishgan hujumchining shartnomasi yana bir yil muddatga uzaytirildi.

Eslatib o‘tamiz, 1997 yilda tug‘ilgan Mo‘min Meliyev o‘tgan mavsum boshida Muborakning “Mash’al” jamoasidan Qo‘qonliklar safiga ko‘chib o‘tgan edi.