«Real Madrid» va Fransiya terma jamoasi hujumchisi Karim Benzema France Football nashri tomonidan 2021 yilning eng yaxshi fransuz futbolchisi deb topildi.
Avvalroq xuddi shu nashr «Oltin to‘p»ni topshirganida unda Benzema to‘rtinchi o‘rinni egallagandi.
Bu mukofot Karim uchun faoliyatidagi to‘rtinchisi bo‘ldi, bunday natija tarixda ikkinchisi hisoblanadi. Bu sovrin faqat «Arsenal» sobiq hujumchisi Tyerri Anrida ko‘proq - 5 ta.
Bungacha «qaymoqranglilar» hujumchisi mukofotni 2011, 2012 va 2014 yillarda qo‘lga kiritgan edi.
Joriy mavsum Benzema La Ligada 20 ta o‘yinda maydonga tushib, 17 ta gol urdi va 7 ta golga assistentlik qildi.
