Ukrainalik mutaxassis Andrey Shevchenko “Jenoa” bosh murabbiyligidan ozod etildi. Bu haqda 15 yanvar kuni Italiya klubi rasmiy sayti xabar berdi.

Endi “Jenoa”ni vaqtinchalik bosh murabbiy Abdulaye Konko va Roberto Murgita boshqarib turadi.

“Klub Andriy Shevchenko va uning yordamchilariga so‘nggi oylarda qilgan mashaqqatli mehnati uchun minnatdorchilik bildiradi”, – deb yozadi “Jenoa” rasmiy tvitterida.

45 yoshli Shevchenko 7 noyabr kuni jamoa boshqaruviga tayinlangan edi. Uning qo‘l ostida jamoa 11 uchrashuv o‘tkazib, bir marta g‘alaba qozongan va 7 marta mag‘lubiyatga uchragan.