Ispaniya kubogi 1/8 finali doirasidagi shanba kuni bo‘lib o‘tgan Sevilya derbisi juda qizg‘in voqealarga boy bo‘ldi.
Uchrashuv vaqtida «Betis» muxlislaridan biri maydonga o‘ziga xos tayoqchaga o‘xshash begona narsalarni uloqtira boshladi.
Ushbu jismlardan biri esa «Sevilya» futbolchisi Xoan Xordanning boshiga borib tegdi va bosh hakam o‘yinni to‘xtatishga qaror qildi.
Bahsdan so‘ng «Sevilya» o‘zining rasmiy sayti orqali Xoanning ahvoli haqida jamoatchilikni xabardor qildi.
«So‘nggi tashxis - bosh miya jarohati. Futbolchi kamida 24 soat davomida uyda kuzatuv ostida bo‘lishi kerak», — deyiladi bayonotda.
