Испания кубоги 1/8 финали доирасидаги шанба куни бўлиб ўтган Севилья дербиси жуда қизғин воқеаларга бой бўлди.

Учрашув вақтида «Бетис» мухлисларидан бири майдонга ўзига хос таёқчага ўхшаш бегона нарсаларни улоқтира бошлади.

Ушбу жисмлардан бири эса «Севилья» футболчиси Хоан Хорданнинг бошига бориб тегди ва бош ҳакам ўйинни тўхтатишга қарор қилди.

Баҳсдан сўнг «Севилья» ўзининг расмий сайти орқали Хоаннинг аҳволи ҳақида жамоатчиликни хабардор қилди.

«Сўнгги ташхис - бош мия жароҳати. Футболчи камида 24 соат давомида уйда кузатув остида бўлиши керак», — дейилади баёнотда.