Chempionlar Ligasining 2022 yilgi mavsumi guruh bahslariga qur’a tashlandi.

Unga ko‘ra, "Paxtakor" "D" guruhida Qatarning "Duhayl", Eronning "Sepaxan" va pley-off bellashuvida o‘ynaydigan Saudiya Arabistonining "Al Ta’avun" yoki Suriyaning "Al Jaish" klublari bilan to‘qnash keladi.

Guruh bosqichi bahslari 7-27 aprel kunlari markazlashgan tartibda o‘tkaziladi. Guruh o‘yinlari bo‘lib o‘tadigan mamlakatlar nomi OFK tomonidan keyinroq e’lon qilinadi. Nimchorak, chorak va yarim final uchrashuvlari 2023 yilning fevral oyida o‘tkazilishi rejalashtirilgan.

Guruh bosqichi taqvimi

1-tur
"Paxtakor" - "Sepaxan"

2-tur
Pley-off g‘olibi - "Paxtakor"

3-tur
"Duhayl" - "Paxtakor"

4-tur
"Paxtakor" - "Duhayl"

5-tur
"Sepaxan" - "Paxtakor"

6-tur
"Paxtakor" - Pley-off g‘olibi