Argentinalik mashhur futbol murabbiyi Xorxe Sampaoli "Marsel" futbolchisi Matteo Genduzi haqida fikr bildirdi. U o‘z fikrini shunday bayon etadi:
"Uning yoshligini hisobga olsak, unda yoshlarga xos kuch-quvvat bor. Unda g‘alaba ruhiyati juda kuchli va yetakchilik qobiliyati bor. Uning o‘yinida o‘sishni kuzatdim. Ha, tajriba hamma uchun juda muhim narsa, ammo ba’zida murakkab vaziyatlar yaxshi tajriba bo‘la olmaydi. Genduzi endigina 22 yoshda, ammo 30 yoshli futbolchilar kabi o‘ylaydi va harakat qiladi. Maydonda eng muhim narsa, yetilishdir. Men unda kelajakdagi liderni ko‘raman".
Eslatib o‘tamiz, Matteo Genduzi aslida "Arsenal" futbolchisi hisoblanadi. Uning London klubi bilan tuzgan bitimi yozda yakun topadi.
