Baxtiyor Ashurmatov shogirdlarining Toshkentdagi o‘quv-yig‘in mashg‘ulotlari davom etmoqda. Noqulay ob-havo sharoitiga qaramasdan murabbiylar shtabi mashg‘ulotlarni qat’iy grafik bo‘yicha kuniga ikki mahaldan olib borishyapti.
Murabbiylar futbolchilarning jismoniy holatlarini mavsum boshlanishiga qadar maksimal formaga olib kelish uchun bor mahoratlarini ishga solishmoqda.
Jamoada seleksiya ishlari ham davom ettirilayotganini alohida ta’kidlash lozim. Shu kunlarda jamoamiz mashg‘ulotlariga o‘tgan mavsumni Termizning "Surxon" jamoasida o‘tkazgan , asli Farg‘ona futbol akademiyasi tarbiyalanuvchisi bo‘lgan, Islomjon Toshpo‘latov qo‘shildi. 1997-yilda tug‘ilgan Islomjon Toshpo‘latov futbolchilik faoliyatini "Qo‘qon-1912" jamoasining o‘rinbosarlar tarkibida boshlagan. Keyinchalik "Neftchi" hamda "Surxon" jamoalarida muvaffaqiyatli to‘p surdi.
