“Tottenxem”ning sobiq hujumchisi, erkin agent Jermeyn Defo Angliyaning uchinchi kuchli divizioni bo‘lgan klubda faoliyatini davom ettirishi mumkin. “The Telegragh” nashri xabariga ko‘ra, 39 yoshli futbolchining xizmatlariga “Oksford Yunayted” klubi qiziqish bildirmoqda.

Manbaning xabariga ko‘ra, klub ushbu mavsum yakuniga qadar faxriy futbolchi bilan shartnoma imzolashi mumkin.

2020 yilning avgustidan 2022 yilning yanvarigacha ingliz futbolchisi Shotlandiya “Reynjers” jamoasida to‘p surgan. Bu vaqt ichida u Glazgo klubi safida 74 ta o‘yin o‘tkazib, 32 ta gol urdi va 10 ta golli uzatmani amalga oshirdi.

2004 yildan 2008 yilgacha va 2009 yildan 2014 yilgacha Defo “Tottenxeem” sharafini himoya qilgan. Futbolchi Angliya terma jamoasiga ham o‘ynagan bo‘lib, u “uch sherlar” safida 57ta o‘yin o‘tkazib, 20ta gol urgan.