“Тоттенхэм”нинг собиқ ҳужумчиси, эркин агент Жермейн Дефо Англиянинг учинчи кучли дивизиони бўлган клубда фаолиятини давом эттириши мумкин. “The Telegragh” нашри хабарига кўра, 39 ёшли футболчининг хизматларига “Оксфорд Юнайтед” клуби қизиқиш билдирмоқда.

Манбанинг хабарига кўра, клуб ушбу мавсум якунига қадар фахрий футболчи билан шартнома имзолаши мумкин.

2020 йилнинг августидан 2022 йилнинг январигача инглиз футболчиси Шотландия “Рейнжерс” жамоасида тўп сурган. Бу вақт ичида у Глазго клуби сафида 74 та ўйин ўтказиб, 32 та гол урди ва 10 та голли узатмани амалга оширди.

2004 йилдан 2008 йилгача ва 2009 йилдан 2014 йилгача Дефо “Тоттенхеэм” шарафини ҳимоя қилган. Футболчи Англия терма жамоасига ҳам ўйнаган бўлиб, у “уч шерлар” сафида 57та ўйин ўтказиб, 20та гол урган.