"Barselona" yozda chap qanot himoyachisini sotib olishni rejalashtirmoqda.

Diaro Sport xabariga ko‘ra, kataloniyaliklar bosh murabbiyi Xavi qishda ushbu pozisiya uchun futbolchi ijaraga olmoqchi, ammo buning amalga oshishi moliyaviy sabablarga ko‘ra dargumon.

"Blaugranas" "Benfika"da o‘ynayotgan La masiya tarbiyalanuvisi Aleks Grimaldoni qaytarish imkoniyatini ko‘rib chiqmoqda. Aytilishicha, ispaniyalik yozda Portugaliya jamoasini tark etishi aniq, chunki uning shartnomasi 2023 yilda tugaydi va futbolchi mamnuniyat bilan "Barselona"ga qaytadi.

Avvalroq “Benfika” futbolchi uchun 30 million yevro talab qilgandi, biroq u bilan shartnoma yakuniga yetayotgani bois, so‘rovlar ancha kamtarona bo‘ladi. Bundan tashqari, "Benfika" "Barselona" akademiyasidan bir nechta futbolchiga Grimaldoni almashishga ham urinib ko‘rishi mumkin.

Hozir kataloniyaliklar vaziyatni tahlil qilishmoqda va hali bir qarorga kelishmagan.

Joriy mavsumda 26 yoshli Grimaldo Portugaliya chempionatida 16ta o‘yin o‘tkazib, 3ta gol urgan.