"Барселона" ёзда чап қанот ҳимоячисини сотиб олишни режалаштирмоқда.
Diaro Sport хабарига кўра, каталонияликлар бош мураббийи Хави қишда ушбу позиция учун футболчи ижарага олмоқчи, аммо бунинг амалга ошиши молиявий сабабларга кўра даргумон.
"Блаугранас" "Бенфика"да ўйнаётган Ла масия тарбияланувиси Алекс Гримальдони қайтариш имкониятини кўриб чиқмоқда. Айтилишича, испаниялик ёзда Португалия жамоасини тарк этиши аниқ, чунки унинг шартномаси 2023 йилда тугайди ва футболчи мамнуният билан "Барселона"га қайтади.
Аввалроқ “Бенфика” футболчи учун 30 миллион евро талаб қилганди, бироқ у билан шартнома якунига етаётгани боис, сўровлар анча камтарона бўлади. Бундан ташқари, "Бенфика" "Барселона" академиясидан бир нечта футболчига Гримальдони алмашишга ҳам уриниб кўриши мумкин.
Ҳозир каталонияликлар вазиятни таҳлил қилишмоқда ва ҳали бир қарорга келишмаган.
Жорий мавсумда 26 ёшли Гримальдо Португалия чемпионатида 16та ўйин ўтказиб, 3та гол урган.
