Aftidan, Jessi Lingard qishki transfer oynasi yopilguniga qadar “Manchester Yunayted”ni tark etmaydi. BBC nashri xabariga ko‘ra, mankunianliklar klubi futbolchi uchun kelgan uchinchi taklifni ham rad etgan.

Bu safar “Manchester Yunayted” “Nyukasl”ga “yo‘q” dedi. Premyer-ligada jon saqlab qolish uchun kurashayotgan “qarg‘alar” 29 yoshli yarim himoyachini ijaraga olmoqchi edi.

Avvalroq “Manchester Yunayted” “Tottenxem” va “Vest Xem” takliflaridan voz kechgandi. Bu klublarga rad etish sababi esa, Chempionlar ligasi zonasidagi o‘rinlar uchun kurashda “qizil iblislar”ning raqibi ekanligi bilan izohlangan.

2021/2022 yilgi mavsumda Jessi Lingard 14 ta o‘yin o‘tkazdi. Yarimhimoyachi ikkita gol urdi va bitta golli uzatmani amalga oshirdi.