“Arsenal” “Yuventus” yarimhimoyachisi Arturga qiziqish bildirmoqda.

“Goal.com” nashri xabariga ko‘ra, London klubi 25 yoshli futbolchini mavsum oxirigacha ijaraga olmoqchi. Kecha braziliyalik futbolchining agenti agent Federiko Pastorello “Arsenal” bazasiga kelib, klub texnik direktori Edu Gaspar bilan muzokara olib bordi.

“Yuventus” hali Arturning “Arsenal”ga o‘tishiga rozi bo‘lmadi, chunki ular uning o‘rniga o‘rinbosar izlashni davom ettirmoqda. Ingliz klubi yarimhimoyachining transferi imkon qadar tezroq hal qilinishini istamoqda va “Yuve” bilan muzokaralar tez orada boshlanishiga umid qilmoqda.

Turin klubi mavsumning ushbu bosqichida tarkibni nisbatan kuchsizlanishni istamayapti. “Yuventus” “Lion” yarimhimoyachisi Bruno Gimarayshga qiziqish bildirmoqda, ammo uning transferini moliyaviy tomondan amalga oshirish qiyin.

Qayd etilishicha, Artur “Arsenal”ga o‘tmoqchi. Uning fikricha, Premyer-liga dunyoning eng yaxshi ligasi.

Joriy mavsumda markaziy yarimhimoyachi “Yuventus” safida 14 ta o‘yinda maydonga tushdi va 1 ta golli uzatmani amalga oshirdi.