“Арсенал” “Ювентус” яримҳимоячиси Артурга қизиқиш билдирмоқда.

“Goal.com” нашри хабарига кўра, Лондон клуби 25 ёшли футболчини мавсум охиригача ижарага олмоқчи. Кеча бразилиялик футболчининг агенти агент Федерико Пасторелло “Арсенал” базасига келиб, клуб техник директори Эду Гаспар билан музокара олиб борди.

“Ювентус” ҳали Артурнинг “Арсенал”га ўтишига рози бўлмади, чунки улар унинг ўрнига ўринбосар излашни давом эттирмоқда. Инглиз клуби яримҳимоячининг трансфери имкон қадар тезроқ ҳал қилинишини истамоқда ва “Юве” билан музокаралар тез орада бошланишига умид қилмоқда.

Турин клуби мавсумнинг ушбу босқичида таркибни нисбатан кучсизланишни истамаяпти. “Ювентус” “Лион” яримҳимоячиси Бруно Гимарайшга қизиқиш билдирмоқда, аммо унинг трансферини молиявий томондан амалга ошириш қийин.

Қайд этилишича, Артур “Арсенал”га ўтмоқчи. Унинг фикрича, Премьер-лига дунёнинг энг яхши лигаси.

Жорий мавсумда марказий яримҳимоячи “Ювентус” сафида 14 та ўйинда майдонга тушди ва 1 та голли узатмани амалга оширди.