"Arsenal" ustozi Mikel Arteta Tomas Parti terma jamoasi bo‘lmish Gananing Afrika Millatlar kubogini erta tark etganiga munosabat bildirdi. Ispaniyalik mutaxassis bu haqida shunday deydi:
"O‘ylaymanki, ushbu muvaffaqiyatsizlik Tomas uchun o‘ta og‘ir kechgan. Negaki, u bu turnirda o‘z oldiga katta marralar qo‘ygan edi. Afsuski, uning sarguzashti uzoq davom etmadi. Hozirda Parti o‘z e’tiborini to‘liq "Arsenal"dagi o‘yiniga qaratgan. U tez orada biz bilan maydonga tushish uchun tayyor bo‘ladi".
Eslatib o‘tamiz, "Arsenal" bugun o‘z maydonida "Liverpul"ni qabul qiladi. O‘yin Toshkent vaqti bilan 00:45da start oladi.
