"Bavariya" himoyachisi Niklas Zyule klub bilan shartnomasini uzaytirish borasida muzokaralar olib bormoqda. Biroq u klubning birinchi taklifini rad etdi, deb xabar beradi "AS".
"Bavariya" fevral oyi o‘rtalarida muzokaralar uchun oxirgi muddat belgiladi, shundan so‘ng nemis himoyachisi yangilangan shartnomani imzolamasa, klub u bilan shartnomani uzaytirishga qiziqmaydi.
Eslatib o‘tamiz, Zyule 2017 yilda 25 million yevro evaziga "Xoffenxaym"dan "Bavariya"ga o‘tgan edi.
Joriy mavsumda 26 yoshli markaziy himoyachi barcha musobaqalarda 23 ta o‘yinda maydonga tushib, 1 ta golli uzatmani amalga oshirdi.
