"Inter" bosh murabbiyi Simone Indzagi "San-Siro" stadionidagi chim sifati haqida fikr bildirdi.
"Muammo "San-Siro" maydonida, unda o‘ynashning iloji yo‘q. Hozir tanaffus bor, korxona maysa sifatini yaxshilash niyatida. Bu bahona emas, chunki biz bunday maydonda ham yaxshiroq harakat qila olamiz. Lekin 20 kundan beri bu yerda o‘ynay olmaysiz. Bu biz uchun ham, ajoyib futbol o‘ynaydigan "Milan" uchun ham o‘yin xarakterini o‘zgartiradi".
Bugun, 22 yanvar kuni “Inter” o‘z maydonida “Venesiya”ni 2:1 hisobida mag‘lub etdi. Uchrashuvning 90-daqiqasida hal qiluvchi gol kiritildi.
“Neradzurrilar” Italiya chempionatida 53 ochko bilan peshqadamlik qilmoqda.
