"Vest Xem" "Everton" hujumchisi Dominik Kalvert-Lyuinga qiziqish bildirmoqda, deb xabar beradi The Sun.
Manba bergan xabarga ko‘ra, "bolg‘achilar" hujum chizig‘ini kuchaytirmoqchi va 24 yoshli angliyalik uchun taklif tayyorlamoqda. Qayd etilishicha, mersisaydliklar hujumchini 60 million funt sterlingga sotishga tayyor.
2021/22 yilgi mavsumda Kalvert-Lyuin "Everton" tarkibida 6 ta o‘yinda maydonga tushib, 3 ta gol urgan. Transfermarkt.com portali futbolchining narxini 40,5 million funtga baholagan.
