«Real» himoyachisi Fran Garsiya yanvar oyida jamoani tark etishi mumkin edi.
Jurnalist Ramon Alvares de Monning xabariga ko‘ra, Madrid klubi APL jamoalaridan biridan 26 yoshli futbolchining transferi bo‘yicha 30 million yevrolik taklif olgan. Futbolchi «Real»dan ketishga rozi bo‘lgan, Alvaro Arbeloa ham ushbu transferga «yashil chiroq» yoqqan edi.
Biroq «Real» prezidenti Florentino Peres taklifni ko‘rib ham chiqmasdan, Garsiyani qo‘yib yuborishdan qat’iyan bosh tortdi. Peres buni o‘z falsafasi va tamoyillari masalasi deb hisoblaydi — u hech qachon yanvar oyida futbolchilarni qo‘yib yubormaydi. Peresning strategiyasi juda aniq — yanvar oyida hech qanday xaridlar va hech qanday sotuvlar amalga oshirilmaydi.













