«Реал» ҳимоячиси Фран Гарсия январь ойида жамоани тарк этиши мумкин эди.
Журналист Рамон Альварес де Моннинг хабарига кўра, Мадрид клуби АПЛ жамоаларидан биридан 26 ёшли футболчининг трансфери бўйича 30 миллион евролик таклиф олган. Футболчи «Реал»дан кетишга рози бўлган, Альваро Арбелоа ҳам ушбу трансферга «яшил чироқ» ёққан эди.
Бироқ «Реал» президенти Флорентино Перес таклифни кўриб ҳам чиқмасдан, Гарсияни қўйиб юборишдан қатъиян бош тортди. Перес буни ўз фалсафаси ва тамойиллари масаласи деб ҳисоблайди — у ҳеч қачон январь ойида футболчиларни қўйиб юбормайди. Переснинг стратегияси жуда аниқ — январь ойида ҳеч қандай харидлар ва ҳеч қандай сотувлар амалга оширилмайди.
