Bundesliganing 20-turidan o‘rin olgan «RB Leypsig» — «Volfsburg» o‘yinida, «buqalar» raqib darvozasiga javobsiz ikkita gol urdi. «Leypsig» uchun bu g‘alaba Bundesligadagi o‘yinlar boshlanganidan beri yuzinchi g‘alaba bo‘ldi. 2009 yilda tashkil etilgan jamoa 2016 yilda Germaniya chempionatining yuqori divizioniga chiqdi va 2016/2017 yilgi mavsumdan boshlab Bundesligada barqaror o‘ynab kelmoqda.
100 ta g‘alabaga erishish uchun «RB Leypsig»ga 190 ta o‘yin kerak bo‘ldi, bu bir paytlar «Bavariya»ga kerak bo‘lgan o‘yindan atigi beshta ko‘p. Bu ko‘rsatkich bo‘yicha kuchli beshlikda, «Kyoln» (100 g‘alaba uchun 206 o‘yin), Menxengladbaxning «Borussiya»si (100 g‘alaba uchun 217 o‘yin) va Bundesligadagi 227-o‘yinida 100-g‘alabasini qo‘lga kiritgan «Borussiya Dortmund» ham bor.
