Nigeriya terma jamoasi Afrika Millatlar kubogi 1/8 final uchrashuvida Tunisga imkoniyatni boy berdi. Garua shahrida «Stade Omnisport Roumde Adjia» stadionida bo‘lib o‘tgan uchrashuvda tunisliklar 1:0 hisobida g‘alaba qozonishdi.

Yagona gol ikkinchi bo‘lim boshida hujumchi Yussef Msakni tomonidan kiritildi. Ikkinchi bo‘lim o‘rtalarida nigeriyaliklar o‘n kishi bilan qolishdi: yarim himoyachi Aleks Ivobi zahiraga tushganidan besh daqiqa o‘tib qizil kartochka oldi.

Tunis termasi Afrika kubogining chorak finaliga chiqdi va u yerda avvalroq Gabonni mag‘lub etgan Burkina-Faso termasi bilan o‘ynaydi. Nigeriya terma jamoasi turnirni tark etadi.

Nigeriya — Tunis – 0:1 (0:0, 0:1)

Gol: 0:1 – 47 Msakni.

Nigeriya – Okoye, Ayna, Omeruo, Trost-Ekong, Sanusi, Ndidi, Aribo (Musa, 88), Chukvueze (Umar, 75), Saymon, Ixeanacho (Ivobi, 59), Avoniyi (Olayinka, 60).

Tunis – Ben-Said, Dreger, Ifa, Talbi, Xaddadi, Sxiri, Laiduni, Sliman (Rekik, 90), Rafya (Sliti, 69), Msakni (Xazri, 86), Jaziri (Jebali, 86).

Ogohlantirishlar: Ixeanacho (20), Laiduni (53).

Chetlatish: Ivobi (66).