"Nyukasl" qishki transfer oynasi yopilgunga qadar tarkibni barcha yo‘nalishlarda kuchaytirish niyatida.
Avvalroq ingliz klubi himoyachilar Diyego Karlos (“Sevilya”), Sven Botman (“Lill”), Jeyms Tarkovski (“Byornli”), yarim himoyachilar Bubakar Kamara (“Marsel”), Jessi Lingard (“Manchester Yunayted”), hujumchilar Usmon Dembeleni o‘z safiga qo‘shishga qarshi emasligi ma’lum bo‘lgan edi.
Shuningdek, "Daily Mail" xabariga ko‘ra, "Nyukasl" "Arsenal" darvozaboni Bernd Leno, himoyachilar Mitchell Bakker ("Bayer"), Nikola Milenkovich ("Fiorentina"), yarim himoyachilar Iv Bissuma ("Brayton"), Amadu Aydara ("Leypsig"), Hamza Choudri ("Lester") ga qiziqish bildirmoqda. Shuningdek ular Dele Allini ("Tottenxem") ham o‘z safiga qo‘shib olmoqchi.
