Angliyaning «Nyukasl Yunayted» klubi himoyachi Diyego Karlosning transferi borasida «Sevilya» bilan muzokaralarni davom ettirmoqda.

Sky Sports nashri xabariga ko‘ra, andalusiyaliklar 28 yoshli braziliyalik himoyachining transferi uchun 45 million yevro talab qilmoqda. «Sevilya» Karlos uchun 45 million yevroni adolatli narx deb hisoblaydi, chunki «qarg‘alar» hujumchi Kris Vudni sotib olish uchun «Byornli»ga 25 million funt (taxminan 30 million yevro) to‘lagan.

«Nyukasl» himoyachi uchun 30 million yevrodan ko‘proq pul to‘lamoqchi emas.

Karlos 2019 yildan beri «Sevilya»da o‘ynab kelmoqda. Himoyachining klub bilan shartnomasi 2024 yilning 30 iyuniga qadar amal qiladi. Transfermarkt ma’lumotlariga ko‘ra, futbolchining bozor qiymati 45 million yevroni tashkil qiladi.

Ispaniya Primerasining joriy mavsumida Karlos 21 ta o‘yinda maydonga tushib, 2 ta gol urdi.