Англиянинг «Ньюкасл Юнайтед» клуби ҳимоячи Диего Карлоснинг трансфери борасида «Севилья» билан музокараларни давом эттирмоқда.

Sky Sports нашри хабарига кўра, андалусияликлар 28 ёшли бразилиялик ҳимоячининг трансфери учун 45 миллион евро талаб қилмоқда. «Севилья» Карлос учун 45 миллион еврони адолатли нарх деб ҳисоблайди, чунки «қарғалар» ҳужумчи Крис Вудни сотиб олиш учун «Бёрнли»га 25 миллион фунт (тахминан 30 миллион евро) тўлаган.

«Ньюкасл» ҳимоячи учун 30 миллион евродан кўпроқ пул тўламоқчи эмас.

Карлос 2019 йилдан бери «Севилья»да ўйнаб келмоқда. Ҳимоячининг клуб билан шартномаси 2024 йилнинг 30 июнига қадар амал қилади. Трансфермаркт маълумотларига кўра, футболчининг бозор қиймати 45 миллион еврони ташкил қилади.

Испания Примерасининг жорий мавсумида Карлос 21 та ўйинда майдонга тушиб, 2 та гол урди.