«Yuventus» va «Fiorentina» hujumchisi Dushan Vlaxovich o‘rtasida shaxsiy shartnoma borasidagi muzokaralar tafsilotlari ma’lum bo‘ldi.

Insayder Fabrisio Romanoning xabar berishicha, Turin klubi serbga yiliga yetti million yevro maosh taklif qilgan. Agent bilan muzokaralar davom etmoqda.

Oldinroq klublar kelishuv summasi borasida kelishib olgani malum bo‘lgandi. «Binafsharanglilar» 21 yoshli hujumchini 75 million yevro evaziga qo‘yib yuborishga tayyor.

Vlaxovich joriy mavsumda «Fiorentina» safida barcha turnirlar doirasida 24 ta o‘yinda maydonga tushib, 20 ta gol urdi va 2 ta golli uzatmani amalga oshirdi.