«Ювентус» ва «Фиорентина» ҳужумчиси Душан Влахович ўртасида шахсий шартнома борасидаги музокаралар тафсилотлари маълум бўлди.
Инсайдер Фабрицио Романонинг хабар беришича, Турин клуби сербга йилига етти миллион евро маош таклиф қилган. Агент билан музокаралар давом этмоқда.
Олдинроқ клублар келишув суммаси борасида келишиб олгани малум бўлганди. «Бинафшаранглилар» 21 ёшли ҳужумчини 75 миллион евро эвазига қўйиб юборишга тайёр.
Влахович жорий мавсумда «Фиорентина» сафида барча турнирлар доирасида 24 та ўйинда майдонга тушиб, 20 та гол урди ва 2 та голли узатмани амалга оширди.
