"Arsenal" hujumchisi Pyer-Emerik Obameyang uchun "Milan" taklif bilan chiqqan. Ammo Obameyang ushbu taklifni rad etishi mumkin.
Negaki, gabonlik hujumchi katta maosh olishni istaydi. "Milan" esa bunga qodir emas. Ta’kidlanishicha, milanliklar safida eng katta moashni Ibragimovich oladi.
Uning haftalik ish haqi 120 ming funt-sterlingni tashkil etadi. Obameyang esa hozirda "Arsenal"da undan ikki baravar ko‘p olmoqda (250 ming funt).
Shu sabab hujumchi "Milan"da ham bundan kam maoshga o‘ynamasligini bildirgan. Eslatib o‘tamiz, Obameyang dekabr hamda yanvar oylarida "Arsenal" tarkibida o‘yin o‘tkazmadi.
