Janubiy Amerika qit’asida Jahon chempionati saralash bosqichi doirasida navbatdagi uchrashuvlar bo‘lib o‘tdi. Chili terma jamoasi o‘z maydonida Argentinani qabul qilib, imkoniyatni boy berdi.

Bahsning 9-daqiqasida Anxel di Mariya hisobni ochgan bo‘lsa, oradan ko‘p o‘tmasdan Brereton hisobni tenglashtirdi. Argentinaliklar birinchi bo‘limning o‘zida hisobda oldinga chiqib olishdi. Lautaro Martinesning zarbasi aniq bo‘ldi. Ikkinchi taymda esa ushbu hisob boshqa o‘zgarmadi.

Argentina ushbu g‘alabadan keyin o‘z ochkolarini 32taga yetkazib oldi. Chili esa 16 ochko bilan 7-pog‘onada qoldi.

JCH-2022 saralash. Janubiy Amerika, 15-tur
Chili – Argentina 1:2 (1:2, 0:0)
Gollar: 0:1 – 9 Di Mariya, 1:1 – 20 Brereton, 1:2 – 34 Martines.
Chili – Bravo (Kortes, 35), Dias (Isla, 60), Medel, Maripan, Vegas (Suaso, 46), Arangis, Pulgar, Nunyes (Montesinos, 60), Sanches, Vargas (Davila, 85), Brereton.
Argentina – Martines, Molina, Otamendi, Martines, Talyafiko, Gomes, Paredes, de Paul (Lo Chelso, 71), Di Mariya (Korrea, 85), Martines (Alvares, 78), Gonsales (Akunya, 70).
Ogohlantirishlar: Vegas (27), Otamendi (38), de Paul (53), Maripan (69), Paredes (72), Pulgar (76), Sanches (79), Montesinos (89), Talyafiko (90).