Жанубий Америка қитъасида Жаҳон чемпионати саралаш босқичи доирасида навбатдаги учрашувлар бўлиб ўтди. Чили терма жамоаси ўз майдонида Аргентинани қабул қилиб, имкониятни бой берди.

Баҳснинг 9-дақиқасида Анхель ди Мария ҳисобни очган бўлса, орадан кўп ўтмасдан Бреретон ҳисобни тенглаштирди. Аргентиналиклар биринчи бўлимнинг ўзида ҳисобда олдинга чиқиб олишди. Лаутаро Мартинеснинг зарбаси аниқ бўлди. Иккинчи таймда эса ушбу ҳисоб бошқа ўзгармади.

Аргентина ушбу ғалабадан кейин ўз очколарини 32тага етказиб олди. Чили эса 16 очко билан 7-поғонада қолди.

ЖЧ-2022 саралаш. Жанубий Америка, 15-тур
Чили – Аргентина 1:2 (1:2, 0:0)
Голлар: 0:1 – 9 Ди Мария, 1:1 – 20 Бреретон, 1:2 – 34 Мартинес.
Чили – Браво (Кортес, 35), Диас (Исла, 60), Медель, Марипан, Вегас (Суасо, 46), Арангис, Пульгар, Нуньес (Монтесинос, 60), Санчес, Варгас (Давила, 85), Бреретон.
Аргентина – Мартинес, Молина, Отаменди, Мартинес, Тальяфико, Гомес, Паредес, де Пауль (Ло Чельсо, 71), Ди Мария (Корреа, 85), Мартинес (Альварес, 78), Гонсалес (Акунья, 70).
Огоҳлантиришлар: Вегас (27), Отаменди (38), де Пауль (53), Марипан (69), Паредес (72), Пульгар (76), Санчес (79), Монтесинос (89), Тальяфико (90).