"Real" klubi AQSHning "Legends" kompaniyasi bilan shartnoma imzoladi. Ushbu tashkilot sport ob’ektlarini tijoriylashtirish bilan shug‘ullanadi, va kelishuvga ko‘ra, "Bernabeu"dan tushgan daromadning 20 foiziga egalik qiladi.

Ushbu hamkorlik natijasida "Real"ning stadioni orqali topadigan daromadlari 150 million yevrodan 400-440 million yevrogacha oshishi kutilmoqda. Stadionda turli tadbirlar, jumladan, konsertlar o‘tkazilishi rejalashtirilmoqda. Shuningdek, o‘yingoh atrofida kafe va do‘konlar quriladi.

Eslatib o‘tamiz, "Real" "Bernabeu" stadioni infratuzilmasini rivojlantirish uchun uchun 30 yilga 1 milliard yevro miqdorida kredit oldi.