"Sevilya" futbol klubi sport direktori Monchi nima uchun "Nyukasl" bergan taklifni rad etilgani haqida gapirdi. U Diyego Karlos transferi haqida shunday deydi:
"Aytishim kerakki, "Nyukasl" taklif etgan summa juda ham qulay va yaxshi edi. Buni ye’tirof etish kerak. Ammo klub menejmenti hamda rahbariyati buni yetarli deb hisoblamadi. Hozir bozor murakkab, shu jihatdan olib qaraganimizda, futbolchini sotishning mavridi emas deb hisobladik. Hozirgi oyna juda ham qisqa muddat davom etadi. Balki ushbu taklif yozda kelganida yaxshiroq o‘ylab ko‘rgan bo‘lardik".
Eslatib o‘tamiz, "Nyukasl" Diyego Karlos uchun ikki marta taklif jo‘natgan edi. Ammo har ikki so‘rov rad etilgan.
