O‘tgan yilning yozida Krishtianu Ronaldu 12 yillik pauzadan keyin Angliyaning «Manchester Yunayted» klubiga qaytgandi. Biroq, portugaliyalik futbolchining "yulduzli kambek"i bu safar «qizil iblislar» tarkibida omadli chiqmadi. Shu sababli, mavsum yakuniga yetgach, agar "MYU" YECHLga yo‘llanma ololmasa, u holda Ronaldu jamoani tark etishi mumkinligi haqida gap-so‘zlar ko‘payib ketdi.
Ayni paytda Krishtianu Ronalduning «Real» tarkibiga qaytishi haqida ma’lumot paydo bo‘ldi. The Sun nashrining tarqatgan ma’lumotiga qaraganda, portugaliyalik hujumchi o‘z agenti Jorje Mendeshga «qaymoqranglilar» prezidenti Florentino Peres bilan bog‘lanishini va ushbu transferni amalga oshirish variantlarini muhokama qilishini so‘ragan.
Eslatib o‘tamiz, Ronaldu «Real» tarkibida 2009 yildan 2018 yilgacha to‘p surgan.