Kataloniyaning «Barselona» o‘z tarkibini kuchaytirish yo‘llarini izlamoqda.
El Chiringuito TV telekanalining tarqatgan ma’lumotiga qaraganda, kataloniyaliklar bosh murabbiyi Xaviga «Milan» futbolchi Frank Kessyening ko‘rsatayotgan o‘yinlari manzur bo‘lmoqda.
Ispaniyalik mutaxassis "Milan" klubi yetakchisini jamoaga olib kelish borasida klub rahbariyatiga murojaat qilgan. Transfermarkt portali 25 yoshli Kessyening transfer narxini 48 million yevro atrofida baholamoqda.
2021/2022 yilgi mavsumda Frank Kessye «Milan» tarkibida 21 ta uchrashuv o‘tkazdi. ivuarlik yarim himoyachining hisobida beshta gol bor.
U kuni kecha Afrika Kubogi doirasida Misr terma jamoasiga qarshi uchrashuvda jarohat olgandi.