“Manchester Yunayted” hujumchisi Krishtianu Ronaldu sevgilisi Jorjina Rodriges bilan nikoh to‘yini rejalashtirayotganini ma’lum qildi.
36 yoshli portugaliyalik futbolchi bu amalga oshishiga ishonmoqda, ammo aniq vaqtni ayta olmaydi.
"Men unga har doim aytaman. Hayotimizdagi boshqa ko‘plab holatlarda bo‘lgani kabi. U tushunadi. Bir yilda, olti oyda yoki bir oyda. To‘y bo‘lishiga 1000 foiz ishonchim komil”, — dedi Ronaldu
Jorjina va Ronaldu 2016 yildan beri birga. Ularning Alana Martin ismli qizi bor. Ronalduning surrogat onalardan uchta farzandi ham bor: kichik Krishtianu, Eva va Mateo. 2021 yil oxirida er-xotin egizak farzand kutayotganliklarini e’lon qilishgandi.
