“Манчестер Юнайтед” ҳужумчиси Криштиану Роналду севгилиси Жоржина Родригес билан никоҳ тўйини режалаштираётганини маълум қилди.
36 ёшли португалиялик футболчи бу амалга ошишига ишонмоқда, аммо аниқ вақтни айта олмайди.
"Мен унга ҳар доим айтаман. Ҳаётимиздаги бошқа кўплаб ҳолатларда бўлгани каби. У тушунади. Бир йилда, олти ойда ёки бир ойда. Тўй бўлишига 1000 фоиз ишончим комил”, — деди Роналду
Жоржина ва Роналду 2016 йилдан бери бирга. Уларнинг Алана Мартин исмли қизи бор. Роналдунинг суррогат оналардан учта фарзанди ҳам бор: кичик Криштиану, Эва ва Матео. 2021 йил охирида эр-хотин эгизак фарзанд кутаётганликларини эълон қилишганди.
