"Monako" futbolchisi Orelyen Chuameni o‘ziga bo‘layotgan katta klublarning qiziqishlariga to‘xtalib o‘tdi. U shunday deydi:
"Men Millatlar Ligasi musobaqasidan keyin Parij shahrida edim. Ertalab uyg‘onib otam bilan suhbat qurdim. U menga "Marca" nashri bosh sahifasida rasmim paydo bo‘lgani haqida aytdi. Bu katta mashhurlik degani edi. Ammo bu narsa menga maydonda yaxshi o‘ynashga yordam bermaydi. Aksincha, meni chalg‘itadi, xolos. Bu real hayot emas. Bu mediadagi hayot. Futboldagi biznes. Ular bugun men haqimda gapirishadi. Ertaga esa boshqa bir yulduz haqida. Shunday ekan, men o‘z karyeram haqida o‘ylashim kerak. Men uchun hozirda eng muhimi "Monako"dagi vazifam. Qolganlari esa ahamiyatsiz".
Eslatib o‘tamiz, Chuameni uchun "Chelsi", "MYU" hamda "Liverpul" qiziqish bildirgan edi.
