Kiyevning «Dinamo» klubi hujumchisi Vladislav Supryaga faoliyatini Italiyaning «Sampdoriya» jamoasida davom ettirishi aniq bo‘ldi.
Italiyalik jurnalist Matteo Korsettining tarqatgan ma’lumotiga qaraganda, tomonlar o‘zaro kelishuvga erishgan va o‘zaro bitim tuzishgan. Hozirda klublar hujjatlar masalalarini hal qilishmoqda.
Qayd etilishicha, ukrainalik hujumchi "Sampdoriya" klubi uchun tibbiy ko‘rikdan o‘tish uchun Italiyaga yetib keldi. Ma’lum qilinishicha, yaqin soatlar ichida shartnoma imzolanadi va rasman e’lon qilinadi.
«Sampdoriya» ukrainalik hujumchini keyinchalik 8 million yevroga sotib olish sharti bilan ikki yilga ijaraga olmoqda.