«Dinamo» jamoasi Superliga yangi mavsumiga tayyorgarlik doirasida Samarqandda o‘tkazilgan birinchi o‘quv-mashg‘ulot yig‘inini yakunladi.

5-29 yanvar kunlari Samarqanddagi qarorgohda serbiyalik yangi bosh murabbiy Predrag Rogan boshchiligida o‘tgan yig‘inda asosan tarkibni shakllantirish, futbolchilarni sinovdan o‘tkazish va jismoniy holatni tiklashga asosiy e’tibor qaratildi. Yig‘in doirasida Qarshi va G‘uzorda «Nasaf» (0:1) va «Sho‘rtan» bilan nazorat bahsi (2:0) o‘tkazilib, bir mag‘lubiyat va bir g‘alaba qayd etildi.

«Dinamo» jamoasi yangi mavsumga tayyorgarlikning ikkinchi bosqichini xorijda o‘tkazishi belgilangan. Xususan, klub 3 fevral kuni Turkiyaning Antaliya shahrida o‘quv-mashg‘ulot yig‘inini o‘tkazish uchun jo‘nab ketadi. «Dinamo»ning xorij yig‘ini 24 fevral kuniga qadar davom etib, uch hafta mobaynida bir qator nazorat uchrashuvlari o‘tkazilishi rejalashtirilgan.