"Fulxem" yarim himoyachisi Fabio Karvalyu qishki transfer oynasida "Liverpul"ga o‘tmaydi, deya xabar beradi jurnalist Fabrisio Romano.

Manba bergan xabarga ko‘ra, asli portugaliyalik 19 yoshli ingliz "Liverpul" jamoasiga o‘tishdan oldin tibbiy ko‘rikdan muvaffaqiyatli o‘tgan, biroq har ikki klub ham transferni belgilangan muddatdan oldin amalga oshira olmagan.

Ma’lumot uchun, Karvalyu joriy mavsumda 19 ta o‘yinda maydonga tushib, 7 ta gol urdi va 4 ta golli uzatmani amalga oshirdi. Transfermarkt portali futbolchining narxini 3,5 million yevroga baholamoqda.