"Фулхэм" ярим ҳимоячиси Фабио Карвалью қишки трансфер ойнасида "Ливерпуль"га ўтмайди, дея хабар беради журналист Фабрицио Романо.
Манба берган хабарга кўра, асли португалиялик 19 ёшли инглиз "Ливерпуль" жамоасига ўтишдан олдин тиббий кўрикдан муваффақиятли ўтган, бироқ ҳар икки клуб ҳам трансферни белгиланган муддатдан олдин амалга ошира олмаган.
Маълумот учун, Карвалью жорий мавсумда 19 та ўйинда майдонга тушиб, 7 та гол урди ва 4 та голли узатмани амалга оширди. Трансфермаркт портали футболчининг нархини 3,5 миллион еврога баҳоламоқда.
