Аёллар ўртасидаги Чемпионлар лигаси ярим финал жавоб учрашувида «Барселона» ўз майдонида «Бавария»ни қабул қилди. «Спотифай Камп Ноу» стадионида бўлиб ўтган баҳсда каталонияликлар 4:2 ҳисобида ғалаба қозонди.

Учрашувнинг 13-дақиқасида Сальма Паральюэло ҳисобни очди. 17-дақиқада меҳмонлар сафидан Линда Далльман жавоб голини урди. 22-дақиқада Алексия Путельяс «Барселона»ни яна олдинга олиб чиқди. Иккинчи бўлимда, 55-дақиқада Эва Пайор ҳисобни йириклаштирди. 58-дақиқада Путельяс дубль расмийлаштирди. 71-дақиқада Пернилле Хардер «Бавария»нинг иккинчи голига муаллифлик қилди.

Биринчи учрашув 1:1 ҳисобида якунланган эди. Шу тариқа, «Барселона» икки ўйин натижасига кўра финалга йўл олди ва ҳал қилувчи баҳсда «Лион»га қарши майдонга тушади.

Аёллар Чемпионлар лигаси, ярим финал, жавоб учрашуви
3 май 2026 йил, якшанба.
«Барселона» (аёллар) — «Бавария» (аёллар) 4:2
Голлар: Паральюэло 13', Путельяс 22', 58', Пайор 55' — Далльман 17', Хардер 71'