«Lasio» bosh murabbiyi Maurisio Sarri transfer bozorida sifatli o‘yinchilar sotib olmaganligi sababli jamoa rahbariyatidan norozi. Bu haqda jurnalist Alfredo Pedulla xabar berdi.

Manbaga ko‘ra, Sarri «Lasio» rahbariyati bilan uchrashgan. Maurisio ularga ultimatum qo‘ydi: yo u «Lasio»ning transfer siyosatini o‘zi belgilaydi, yoki klub shartnomani uzaytirmaydi va lavozimini tark etishga tayyor.

Qo‘shimcha qilamizki, 2021/2022 yilgi mavsumning 23-turidan so‘ng «Lasio» A seriya turnir jadvalida 8-o‘rinni egallab turibdi.