Madridning “Real” klubi jamoa tayanch yarimhimoyachisi Kazemiroga o‘rinbosar qidirishda davom etmoqda. 29 yoshli braziliyalik futbolchi katta ehtimol bilan bir necha mavsumdan so‘ng, “qaymoqranglilar” safini tark etishi kutilmoqda. Shu sabab, klub uning o‘rniga bir qancha nomzodlarni ko‘rib chiqmoqda.

“Fichajes.com” nashri xabariga ko‘ra, madridliklar “Ayaks” futbolchisi Rayan Gravenberx nomzodini ko‘rib chiqmoqda. Qolaversa, “Monako” yetakchilaridan biri Orelyen Tchuameni ham “qirollik klubi” “radarida bo‘lib turibdi”.

Manbaga ko‘ra, klub yozda bu futbolchilarning biri bilan shartnoma imzolashga harakat qilib ko‘rmoqchi.

Transfermarkt portali Gravenberxning narxini 35 milliog yevroga baholagan bo‘lsa, Tchuamenining bozor qiymati 40 million yevro etib belgilangan.