Bu yozda “Arsenal” o‘z tarixidagi eng yirik transfer mavsumlaridag birini o‘tkazishi mumkin. “The Sun” nashri xabariga ko‘ra, “kanonirlar” “Real Sosyedad” a’zosi Aleksandr Isak, “Everton” yetakchisi Dominik Kalvert-Lyuin va “Vulverxemton” yarimhimoyachi Ruben Nevesni o‘z safiga qo‘shib olishni rejalashtirmoqda.
Qayd etilishicha, har uchala futbolchining transferi Mikel Arteta jamoasiga taxminan 200 million yevroga tushishi mumkin. Avvalroq, Artur Melo va Bruno Gimarayshni sotib olishi mumkinligi haqidagi mish-mishlarga qaramay, “Arsenal” qishki transfer oynasida ushbu futbolchilarni xarid qilmadi.
Ayni damda “kanonirlar” Premyer-ligada Chempionlar Ligasi yo‘llanmasiga ega chiqish uchun kurash olib borishmoqda.
