Misr terma jamoasi Karlosh Keyrush Afrika Millatlar Kubogi yarim finalidan o‘rin olgan Kamerunga qarshi bahsdan so‘ng, hakamlarni tanqid qildi.
"Afsuski, yana mana shunday darajadagi muhim o‘yinga shunaqa tajribasiz, saviyasi yo‘q, shou ko‘rsatishni xohlaydigan hakamlarni tayinlashadi. Barchasi g‘azabingizni qo‘zg‘atadi, ular yaqqol bizning kayfiyatimizga ta’sir qilishga harakat qilishdi.
Tashkilotchilikdan noroziman. Misr chempionat boshidan beri eng yomon stadionlar va eng yomon sharoitlarda o‘ynayapti. Oddiy misol: finalga qadar Senegal bizdan bir kun ko‘proq dam olib, mashg‘ulot o‘tkaza oladi, bizda esa bunday imkoniyat yo‘q. Rasmiylardan iltimos qilib qolardim, bizga imkon qadar ko‘proq vaqt berishsin, biz dushanba kuni finalda o‘ynay olamiz", – deydi Keyrush.
Ma’lumot uchun, Afrika Millatlar Kubogida Senegal hamda Misr terma jamoalari o‘zaro to‘qnash keladi. Uchrashuv 6 fevral kuni 00:00 da start olishi rejalashtirilgan.
