Миср терма жамоаси Карлош Кейруш Африка Миллатлар Кубоги ярим финалидан ўрин олган Камерунга қарши баҳсдан сўнг, ҳакамларни танқид қилди.

"Афсуски, яна мана шундай даражадаги муҳим ўйинга шунақа тажрибасиз, савияси йўқ, шоу кўрсатишни хоҳлайдиган ҳакамларни тайинлашади. Барчаси ғазабингизни қўзғатади, улар яққол бизнинг кайфиятимизга таъсир қилишга ҳаракат қилишди.

Ташкилотчиликдан норозиман. Миср чемпионат бошидан бери энг ёмон стадионлар ва энг ёмон шароитларда ўйнаяпти. Оддий мисол: финалга қадар Сенегал биздан бир кун кўпроқ дам олиб, машғулот ўтказа олади, бизда эса бундай имконият йўқ. Расмийлардан илтимос қилиб қолардим, бизга имкон қадар кўпроқ вақт беришсин, биз душанба куни финалда ўйнай оламиз", – дейди Кейруш.

Маълумот учун, Африка Миллатлар Кубогида Сенегал ҳамда Миср терма жамоалари ўзаро тўқнаш келади. Учрашув 6 февраль куни 00:00 да старт олиши режалаштирилган.