“Zenit” hujumchisi Artyom Dzyuba faoliyatini Turkiya chempionatida davom ettirishi mumkin. "Fenerbaxche" 33 yoshli rossiyalik forvard xizmatlariga qiziqish bildirmoqda, deya xabar beradi Takvim.

Manbaning yozishicha, “Fenerbaxche” anchadan beri markaziy hujumchi pozisiyasida muammoga duch kelgan va klub rahbariyati Artyom Dzyuba bilan shartnoma imzolash orqali bu masalani yopish niyatida. "Zenit" futbolchisi turk klubining asosiy maqsadi hisoblanadi.

Qayd etilishicha, “Fenerbaxche” vakillari Dzyuba bilan bo‘lajak shartnoma tafsilotlarini muhokama qilish uchun allaqachon bog‘lanishgan. Yaqin kunlarda Artyomning "sariq kanareykalar" rahbariyati bilan yana bir uchrashuvi bo‘lib o‘tishi kerak.