“Зенит” ҳужумчиси Артём Дзюба фаолиятини Туркия чемпионатида давом эттириши мумкин. "Фенербахче" 33 ёшли россиялик форвард хизматларига қизиқиш билдирмоқда, дея хабар беради Тakvim.
Манбанинг ёзишича, “Фенербахче” анчадан бери марказий ҳужумчи позициясида муаммога дуч келган ва клуб раҳбарияти Артём Дзюба билан шартнома имзолаш орқали бу масалани ёпиш ниятида. "Зенит" футболчиси турк клубининг асосий мақсади ҳисобланади.
Қайд этилишича, “Фенербахче” вакиллари Дзюба билан бўлажак шартнома тафсилотларини муҳокама қилиш учун аллақачон боғланишган. Яқин кунларда Артёмнинг "сариқ канарейкалар" раҳбарияти билан яна бир учрашуви бўлиб ўтиши керак.